Հանրագիտարան >> Հայոց պատմության հանրագիտարան >> Զինանշան պետական Լեռնային Ղարաբաղի Հանրապետության

 Զինանշան պետական Լեռնային Ղարաբաղի Հանրապետության: ԼՂՀ պետական խորհրդանիշ: Հաստատվել է ԼՂՀ Գերագույն խորհրդի  1994-ի նոյեմբերի 23-ի որոշմամբ: Հեղինակ՝ Լ. Ղալայան: Զինանշնի վրա պատկերված է թևատարած արծիվ, գլխավերևում զետեղված է Հայոց Արտաշեսյանների հարստության թագը, որի շուրջ տարածվում են արևի ճառագայթներ: Կենտրոնում ԼՂՀ պետական դրոշի և Քիրս լեռան ֆոնի վրա «Մենք ենք, մեր սարերը» քանդակի (քանդակագործ՝ Ս. Բաղդասարյան) պատկերն է: Ներքևում, արծվի ճանկերի մեջ, խաղողի վազեր են, թթենու պտուղներ, ցորենի հասկեր: Վերևի կիսաշրջանում «Լեռնային Ղարաբաղի Հանրապետություն. Արցախ» մակագրությունն է:

Ն. Սարումյան

Գրականության ցանկ

Ղարաբաղյան ազատագրական պատերազմ 1988-1994, Հանրագիտարան, Երևան 2004 թ.

 

 

ՀՀ, ք. Երևան,
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.historyofarmenia.am