Համազասպ ՕհանջանյանՕհանջանյան Համազասպ: (Կուսակցական անունը՝ Մհեր Մհերյան Հովհաննեսի): Ծնվել է 1874 թվականի փետրվարի 10-ին Ախալքալաքում: Մահացել է 1947թ. Կահիրեում: Եղել է պետական-քաղաքական գործիչ:ՀՀԴ կուսակցությանյան անդամ: Ավարտել է Թիֆլիսի ռուսական գիմնազիան, սովորել ՄՊՀ բժշկական ֆակուլտետում (հեռացվել է ուսանողական շարժումներին մասնակցելու համար), ավարտել է Լոզանի բժշկական ինստիտուտը (1899): 1902-ից, որպես բժիշկ, աշխատել է Թիֆլիսում, Բաքվում: 1905-ի ռուսական հեղափոխության ժամանակ պաշտպանել է ՀՀԴ գործունեության «կովկասյան նախագիծը», որը նախատեսում էր հեղափոխական գործունեություն նաև ցարական կառավարության դեմ: 1908-ին ցարական իշխանությունները ձերբակալել են Օհանջանյանին, աքսորել Սիբիր (1913-1915, Իրկուտսկի մարզ): Առաջին համաշխարհային պատերազմի (1914-1918) ժամանակ ներումով վերադարձել է Թիֆլիս, որպես բժիշկ գործել Կովկասյակ ռազմաճակատում:

 Ռուսաստանում 1917-ի Փետրվարյան հեղափոխությունից հետո՝ Համառուսաստանյան սահմանադիր ժողովի պատգամավոր, Անդրկովկասյան Համազասպ Օհանջանյան կոմիսարիատի խնամատարության կոմիսար: 1918-ին եղել է Անդրկովկասյան սեյմի, ապա՝ Բեռլին ուղարկված (1918) Հայոց ազգային խորհրդի պատվիրակության անդամ Փարիզի հաշտության կոնֆերանսում: 1920-ի սկզբից՝ ԱԳ նախարար (Ա.Հ. Խատիսյանի կառավարության կազմում), 1920-ի մայիսի 5-ից մինչև նոյեմբերի 23-ը՝ ՀՀ վարչապետև ԱԳ նախարար: Նրա օրոք է կնքվել Սևրի հաշտության պայմանագիրը (1920), որով դեյուրե ճանաչվել է Հայաստանի Հանրապետությունը:Խորհրդային իշխանություն հաստատվելուց հետո բանտարկվել է: Ազատվել է 1921-ի Փետրվարյան ապստամբության օրերին: Հետագայում՝ վտարանդի, ապրել է (1923-ից) Կահիրեում, զբաղվել բժշկությամբ և հասարական գործունեությամբ: Համազգային մշակութային միության հիմնադիրներից է:
 
 
Գրականություն

Ով ով է. հայեր, Կենսագրական հանրագիտարան, Հատոր 1-ին

 

ՀՀ, ք. Երևան,
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.historyofarmenia.am