• Նորություններ
• Հղումներ
• Գործընկերներ
• Կայքի Քարտեզ

 Կովսական:  Գյուղ ԼՂՀ Քաշաթաղի շրջանում։ Տեղաբաշխված է հանրապետության հարավարևմտյան հատվածում։ Բերձոր շրջկենտրոնից գտնվում է 100 կմ հեռավորության վրա, իսկ մայրաքաղաք Ստեփանակերտից՝ 147 կմ հեռավորության վրա։ Գտնվում է Ողջի գետի աջ ափին։ Կովսականով անցնում է այժմ չգործող Միջնավան-Կապան երկաթուղին։ Համայնքը հարթավայրային է, ունի 21273,3 հա տարածք, որից 5889,7 հա գյուղատնտեսական նշանակություն, 14494,3 հա անտառային հողեր։ Կովսական համայնքի մեջ ընդգրկված են նաև Դիցմայրի և Քարատակ գյուղերը։ Դիզմայրի գյուղի բնակչության թվաքանակը կազմում է 94 մարդ, կա 28 տնտեսություն, իսկ Քարատակ գյուղի բնակչության թվաքանակը՝ 33 մարդ, կա 8 տնտեսություն։ Համայնքն ունի քաղաքապետարան, կա բուժաշխատող, գործում են միջնակարգ դպրոց, որտեղ սովորում են 87 աշակերտներ, «Բերձորի արվեստի դպրոց» ՊՈԱԿ-ի մասնաճյուղը։ Բնակչությունը՝ 416 (2003)։ Զբաղվում են երկրագործությամբ։ Ունի միջնակարգ դպրոց (ազատամարտիկ Թ. Կրպեյանի անվան), տեղամասային հիվանդանոց։

 Ազատագրվել է 1993-ին, բնակեցվել է 1997-ին՝ Ադրբեջանից բռնագաղթած հայ փախստականներով։

Գրականության ցանկ

Ղարաբաղյան ազատագրական պատերազմ 1988-1994 թթ. հանրագիտարան, Երևան, 2004 թ.