Հանրագիտարան >> Հայոց պատմության հանրագիտարան >> Դուշման Վարդան (Վարդան Ստեփանյան)
 Վարդան Ստեփանյան (Դուշման Վարդան)Դուշման Վարդան (Վարդան Ստեփանյան): Վարդան Ստեփանյանը ծնվել է 1966 թվականի մարտի 9-ին  Երևանում: 1973–1983թթ. սովորել է Երևանի Հովհաննես Թումանյանի անվան թիվ 32 դպրոցում։ 1983թ. դիմել է զինկոմիսարիատ, որ իրեն ուղարկեն Աֆղանստան՝ դեսանտային զորամաս։ 1984թ. մեկնել է Աֆղանստան ծառայելու և կռվելու։ 1986թ. վերադարձել Աֆղանստանից՝ հերոսացած։
 1986թ-ին ընդունվել է ԵՊՀ իրավաբանական ֆակուլտետ։ 1988թ. ղեկավարել է Աֆղանստանում ծառայած տղաների կամավորական խումբը, որը մասնակցում էր Հայաստանի սահմանամերձ շրջանները պաշտպանելուն և Արցախի ինքնապաշտպանական մարտերին։ Վարդանը մեկնել է Արցախ ՝ Դուշման Վարդանառաջին անգամիբրև մարտական մարզիչ դեռ 1988թ.։  Նա Արցախի առաջին բանակի ստեղծողներից մեկն էր:
1989-1992-ին մասնակցել է ՀՀ Իջևանի, Նոյեմբերյանի, Արարատի, Վարդենիսի, Գորիսի (Շուռնուխ), ԼՂՀ Շահումյանի շրջանի ինքնապաշտպանական, Կրկժանի, Հադրութի, Խոջալուի, Լեսնոյի, Մալիբեկլուի ազատագրական մարտերին: Շուշիի և Լաչինի ազատագրման ժամանակ եղել է ջոկատներից մեկի հրամանատարը:
2000-ին Երևանի Շենգավիթ թաղամասում հիմնվել է Ստեփանյանի տուն-թանգարան-գրադարանը: Նրա անունով է կոչվել Շուշիի փողոցներից մեկը: Նկարահանվել է Ստեփանյանին նվիրված «Վարդանը» ֆիլմը ( 2002, «Խոնարհ հերոսներ» ֆիլմաշար, ռեժիսոր՝ Ս. Թադևոսյան):
 1992թ. հունիսին Շահումյանի անկումից հետո գործուղվեց Արցախ՝ մարտական վերջին առաքելությունը կատարելու։ 1992թ. հուլիսի 3-ին մարտական առաջադրանքի ժամանակ զոհվել է Դուշման Վարդանը։
Վարդան Ստեփանյանը հետմահու պարգևատրվել է ‹‹Մարտական խաչ›› 1-ին աստիճանի շքանշանով, ‹‹Շուշիի ազատագրման›› մեդալով, «Մայրական երախտագիտություն Արցախի քաջորդիներին» հուշամեդալով: Թաղված է Եռաբլուրում:

 

Գրականության ցանկ
 «Ով ով է հայեր.(Կենսագրական հանրագիտարան)», հատոր առաջին, Երևան,2005 թ
 
 Եդիգարյան Ա., Մեր պապեր, Շուշին ազատագրված է, հանգստացեք, Ե., 1997:

Ղարաբաղյան ազատագրական պատերազմ 1988-1994, Հանրագիտարան, Երևան, 2004 թ.

ՀՀ, ք. Երևան,
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.historyofarmenia.am