Առուստամյան Եգոր (Մենակ, Գրիգոր): Ծնվել է 1882թ. Արցախի Վարանդայի գավառի Քռասնի գյուղում: Մահացել է 1903թ. Բասենում: Հայ ազգային-ազատագրական շարժման գործիչ: 1900թ. ավարտել է Շուշիի թեմական դպրոցը: 1900թ.-ից քարոզչական աշխատանք է տարել Բաքվի հայ բանվորական շրջանում: Տեղափոխվելով Կարս՝ քարոզել է գյուղերում, գործել Իշխանի, Կոլոտի և Թորգոմի հետ: Սասունցիներին օգնության գնացող Խանի «Կայծակ» ջոկատի «Մրրիկ» հեծեկախմբի հրամանատարն էր: ՀՀԴ կուսակցության անդամ: Հեղինակ է բանաստեղծությունների, նաև Ավետիք Իսահակյանի «Մաճկալ ես, բեզարած ես» երգի երաժշտության: Զոհվել է թուրքական զորամասի հետ արյունալի կռվում:

 

Գրականության ցանկ

 «Ով ով է հայեր. (Կենսագրական հանրագիտարան)», հատոր առաջին, Երևան, 2005 թ.

ՀՀ, ք. Երևան,
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.historyofarmenia.am