• Նորություններ
• Հղումներ
• Գործընկերներ
• Կայքի Քարտեզ

 Առուստամով Գեորգի (Առուստամյան Արկադիի):  Ծնվել է 1919թ. հուլիսի 28-ին Կիսլովոդսկում: Մահացել է 1945թ. հունվարի 22-ին Բիշովստալում: 1945թ. հունիսի 25-ին հետմահու արժանացել է  Խորհրդային Միության հերոս: Օգնել է խոհարար հորը մեծացնել եղբայրներին և քրոջը: Զբաղվել է ֆուտբոլով: Արագ վազքի համար ստացել է "Հրդեհ" մականունը: Դպրոցն ավարտել է գերազանց:  Ընդունվել է Խարկովի էլեկտրատեխնիկական ինստիտուտը, սակայն առաջին կուրսից (1939) զորակոչվել է կարմիր բանակ: Մասնակցել Արևմտյան Ուկրաինայի ազատագրմանը, խորհրդա-ֆիննական պատերազմին: Ծանր վիրավորվել է սրտի հատվածում: Ապաքինումից հետո վերադարձել է ծառայության:

 Հայրենական պատերազմում (1941-1945թթ.) եղել է 1-ին ուկրաինական ռազմաճակատում հետախուզական ստորաբաժանման հրամանատար:

 Բազմիցս կատարել է շտաբի առաջադրանքները՝ հակառակորդի թիկունքում հետախուզական գործողություններ իրականացնելով: Իրեն դրսևորել է որպես քաջ սպա: Քաջատեղյակ էր հակառակորդի զինված ուժերի կազմակերպվածությունից: Միշտ զեկուցել է լակոնիկ, հստակ, ընդհանրացնող հետևություններով: Ուշադիր ուսումնասիրել է վերադաս շտաբներ հետախուզական տեղեկությունները հակառակորդի մասին, իր սակավաթիվ ուժերով ձգտել ստուգել տեղեկության իսկությունը:

 1945թ. հունվարի 22-ին Բիշկոստալ բնակավայրի մոտ (Լեհաստան) իր վերջին մարտում, վիրավորվել է ոտքից, սակայն շարունակել մարտը: Իր հրամանատարության տակ գործող հետախուզադիվերսիոն ջոկատով ոչնչացրել և գերել է մինչև 200 զինվոր և սպա, 2 տանկ, 2 ԲՏՌ, միքանի հրանոթ: Գեորգի Առուստամովը անձամբ ոչնչացրել է հակառակորդի 20 զինվորական ծառայող:  Հերոսի կոչման արժանացել է 1945թ. հունիսի 25-ին:

Գրականության ցանկ

 «Ով ով է հայեր. (Կենսագրական հանրագիտարան)», հատոր առաջին, Երևան, 2005 թ.